English
Version
Nuus Boere
musiek
Die
Klub
Biografie Leer
Speel
Handels
ware
Skakels Soek Kontak
Bewaar - Behou - Uitbou
Dat die erwe van ons vaad're vir ons kinders erwe bly
Orkeste
Musikante
Instansies
 
 
 
 
Die Vyf Dagbrekers

Die leier van hierdie briljante groep musikante, was Johannes Petrus (Silver) de Lange. Die Vyf Dagbrekers het uit die volgende spelers bestaan:

Johannes Petrus (Silver) de Lange (leier) : Konsertina
Gert of Kleinboet de Lange : Kitaar
Wakkie van Biljon : Kitaar
Pie of Bekkie du Plooy : Klavier
Bobby Pennells : Banjo



Al die plate van hierdie orkes is opgespoor, en weer op pragtige nuwe langspelers en CD vasgelê.

Hier volg 'n volledige lys van hierdie orkes se plate:

Verloof wals
Witwortel-Polka
His Master's Voice GX 7
Het jy my nog lief? - wals
Tant Trys-polka
His Master's Voice GX 8
Militaire twee-Pas- vastrap
Tant Sara-polka
His Master's Voice GX 17
Ek het jou lief-wals
Mooi rooi bekkie-polka
His Master's Voice GX 18
Kom laat ons dans - vastrap
Dik Anna-polka
His Master's Voice GX 19
Jy breek my hart - wals (Deel 1)
Jy breek my hart - wals (Deel 2)
His Master's Voice GX 24
Hoe ry die trein - polka
Dink aan my - mazurka
His Master's Voice GX 29
Een druk en een soen - vastrap
Spaanse wals
His Master's Voice GX 36
Ek sal jou betaal-setees
Moenie so maak nie - polka
His Master's Voice GX 37
Ek verlang na jou - wals
Ou kieriebout-polka
His Master's Voice GX 43
Mielieblare-setees
Warmpatat
His Master's Voice GX 44
Eendag kom jy weer terug - wals
Die hele nagdeur - vastrap
His Master's Voice GX49
Ver in die Vrystaat by jou - wals
Ruk en pluk-vastrap
His Master's Voice GX 50
Hoekom het jy my laat staan? - wals
Dierbaar is jy - vastrap
His Master's Voice GX 56
Vir altyd by jou - vastrap
Seleksies van polkas
His Master's Voice GX 30

 

Laasgenoemde is egter nooit vrygestel nie. Vir nadere besonderhede kyk asseblief die hoofstuk oor die Vier Hugenote.

Die pragtige plaat, MilitaireTwee-Pas, was amper verlore. 'n Plaat met 'n yslike hap uit was aanvanklik die enigste weergawe waarvan bewus was. Later is 'n plaat ontdek wat in so uiters baie swak toestand was dat dit met tegnieke van die dag nie herwinbaar was nie. Danie Labuschagne, Mnr. Plato Michael van Michael se plaat-opnamediens en Stephaan van Zyl het hierdie wysie op meesterlike wyse vir ons herwin. Hulle het vasgestel dat net 50 sekondes speelbaar is. Hierdie speelbare gedeelte is uitmekaar getrek en daarna weer stukkie vir stukkie aanmekaar gelas sodat die begin en al die variasies wonderbaarlik behoue gebly het. Dit het hierdie drie mans veertig uur geneem om net hierdie één nommer te red. Ons is baie dankbaar vir die moeite van hierdie drie getroue mense. Alhoewel die werk aan hierdie album soms bra moeilik was, was die opwinding daaraan verbonde baie groot. Dit oortref die moeilike taak by verre, want so af en toe het 'n mens groot ontdekkings gemaak.

Bobby Pennells het homself geleer banjo speel, maar sê ook sommer dadelik dat Silver hom die meeste gehelp het. Hy word werklik liries wanneer hy oor Silver begin, gesels. Hy sê dat hierdie man vandagse konsertinaspelers ook onder die stof sou kon speel! Hy deel verder mee dat Silver 'n perfeksionis was. As 'n kitaar of banjo nie suiwer ingestel was nie kon hy baie moeilik word, en as 'n speler verkeerde akkoorde speel, of tyd verloor, het hy sommer sy konsertina toegevou en 'n draai gaan loop. Hy het graag sy manne met raad en daad bygestaan, maar dan moes hulle werklik probeer het om net hulle beste te lewer. Hy het nie van brouwerk of 'n afskepery gehou nie. Net die beste was goed genoeg vir hom. As hy lekker gespeel het, was sy oë altyd toe en 'n groot glimlag het op sy gesig verskyn. Die manne het dan geweet dat hy tevrede was met hulle begeleiding.


Lourens Aucamp (links) oorhandig ere-lidmaatskap aan
Bobby Pennells (regs) vir sy bydrae tot die Vyf Dagbrekers
[Foto kopiereg voorbehou]

Dis te danke aan Chris Blignaut se liefde vir sy eie dat hy baie orkeste van daardie jare, Die Vyf Dagbrekers ingesluit, oorreed het om plaatopnames te maak. Chris het glo al die nodige reëlings by die betrokke plaatmaatskappy getref en die orkeste die nodige aanmoediging gegee en touwys gemaak met die prosedure tydens die opnames. Dis ook Chris wat die name aan die verskillende orkeste gegee het. (Kyk asseblief die hoofstuk oor die Ses Hartbrekers.)

Boeremusiekliefhebbers, ons is opreg bly dat ons op die 1ste Oktober 1985, 'n gedenksteen vir Silver de Lange kon oprig en sodoende 'n klein bydrae kon lewer om te verhoed dat die Vyf Dagbrekers nie in die vergetelheid sal verdwyn nie.